How to turn on your Sony Ericsson feature phone to 3G mode only

Sometimes, you needs only 3G mode on your phone. Sadly, previous Sony Ericsson features phones lack this mode.
For those who own SE feature phones with only “GSM only” and “GSM/3G” or “Auto” mode, you must realize that your phone lack the “3G Only” or “UMTS Only” mode you can find on most newer SE phones and smartphones. Do not worry! We have a way to drive your Sony Ericsson phone to 3G only mode and it won’t switch automatically anymore.
So why do you need 3G only and not the “Auto” mode. Because you only need 3G and it is fast to surf internet than the darn 2G!
Usually, 2G signal is always better and, if compared to 3G, you phone would always choose 2G as the signal is stronger. But it’s painfully slow using 2G internet, and for my carrier in Cambodia, Smart, it is just plain dead for internet in 2G. Yet, you still cannot figure out where you can turn on 3G mode only.

Things you will need:

- a Sony Ericsson phone
- a Windows PC (already works with Sony Ericsson phone. If not, read further)
- Cable or Bluetooth or anything that get your phone communicate with your PC
- MyPhoneExplorer (read further for download link)

Here’s how:

មូលហេតុអ្នកគួរតែទៅ​ហាងអ៊ីនធើណេតសាធារណៈ យូរៗម្ដង

ទោះជាអ្នកមានសមត្ថភាព​ភ្ជាប់អ៊ីនធើណេតដោយខ្លួនអ្នក​ក៏ដោយ ក៏ការទៅអង្គុយលេងអ៊ីនធើណេតនៅ​ហាងអ៊ីនធើណេត​ ម្ដងម្កាល​សំរាប់កំសាន្ដ ពិតជា​ជំរើស​ដ៏ល្អមួយ​។

ការកំសាន្ដតាម​អ៊ីនធើណេត​ពិតជារឿងដែល​សប្បាយ ចំណាយតិច និង ងាយស្រួល​​មួយ​ដែល​អ្នក​ណាៗដែលចូលចិត្តអ៊ីនធើណេត រួមទាំងខ្ញុំផងដែរ​ទំលាប់ធ្វើជារៀងរាល់ថ្ងៃ ​។ កំរិតប្រើប្រាស់​អ៊ីនធើណេត នៅកម្ពុជា​នៅតែជាកង្វល់រួម​មួយ តែយ៉ាងណាម៉ិញ សំរាប់អ្នកដែលមានឱកាស​គ្រប់​គ្រាន់​មានអ៊ិនធើណេត​ផ្ទាល់ខ្លួន ហាក់ដូចជាបាន​ភៀសខ្លួនទៅរកពិភពឯកជន​រួចរាល់ទៅហើយ។ ពិតណាស់ ឯកជនភាព នៅលើពិភពអ៊ីនធើណេត ដែលនរណាៗក៏មានសិទ្ធិប្រើប្រាស់ តែងតែ​ជាចំនុចសំខាន់មួយ​ ត្បិត​អ្នក​មិនចង់អោយ​នរណាផ្សេង​ទៀត​ដឹងថាអ្នកធ្វើ​អ្វីទេ​លើពិភពអ៊ីនធើណេតនេះទេ។

តែការលេងអ៊ិនធើណេតសំរាប់​កំសាន្ដវិញ ដូចជាគ្មានអ្វីត្រូវបារម្ភពី​ឯកជនភាពនោះទេ ព្រោះអ្នក​មិនបាន​ប្រើប្រាស់ពត៌មាន​ផ្ទាល់ខ្លួនឯណា ឧទាហរណ៍​រាល់ពេល​អ្នកស្ដាប់ចំរៀងនោះ។ ករណីនេះ អ្នកស្វែងរក​ការកំសាន្ដ​ផ្សេងៗ ដូចជា ដោនឡូដ​ចំរៀង​ទុកស្ដាប់លេង រឺ វីដេអូ​ផ្សេងៗសំរាប់កែអផ្សុក រឺ លេង​ហ្គេម​ជាក្រុម​ដើម្បីបន្ថយភាពតានតឹង រឺ ចូលទៅអាន​ពត៌មាន​ទុកគ្រាន់ជាទុន​ពេលទំនេរ រឺ មើលពី​នេះ​ពីនោះ ដើម្បីស្វែងរករបស់ថ្មី គ្រាន់ធ្វើអោយ​អ្នក​រំភើប។​ ជារួម អ្នកចូលចិត្ត​អ្វីដែល​ថ្មី ហើយ​នឹងអ្វីដែលមនុស្សគ្រប់គ្នាកំពុងចាប់អារម្មណ៍។ អាហា! អ្នកធ្វើដូចម្ដេច​ រកបាន​content ថ្មី​ ហើយ កំពុងតែ​ត្រូវបានចាប់អារម្មណ៍​នោះ? ចំលើយ​គឺគោលដៅ​នៃអត្ថបទនេះហើយ!

ការកំសាន្ដ​ថ្មីៗ និង​ កំពុងតែ​ពេញនិយម

អ្វីដែល​អ្នក​គួរធ្វើ​ដើម្បីរក​របស់កំសាន្ដថ្មីៗ នោះ គឺ​ទៅហាងអ៊ិនធើណេត។ ធម្មតា​មាន​មនុស្សជា​ច្រើន​ ចូលទៅហាង​អ៊ីនធើណេត ហើយមួយចំនួនធំ​នៃ​អ្នក​ទាំង​នោះ ​ក៏ទៅ​រក​ការ​កំសាន្ដ​ដែរ។ ធម្មតា​ពួកគេ​នឹង​ដោនឡូដ​យក​អ្វីៗ​ថ្មី​ទៅ​ក្នុង​កំព្យូទ័រ​សាធារណៈទាំងនោះ រួមទាំង​ម្ចាស់ហាង​អ៊ីនធើណេត​ផងដែរ ជាឧទាហរណ៍​ ម្ចាស់ហាង​ខ្លះ​ដាក់ចំរៀង​អោយ​អ្នក​មកប្រើប្រាស់នៅ​លើ​បណ្ដាញNetwork របស់គេ​ ដោយមិនចាំបាច់ចូល​ទៅ​អ៊ីនធើណេត​តែ​ម្ដង។ អ្នក​ដែល​មក​កំសាន្ដ​នៅ​ហាង​អ៊ិនធើណេត​ពិតជា​មានចំនួនច្រើន និង មាន​ចំណូលចិត្ត​ប្លែកៗគ្នា​ជាច្រើន ដូច្នេះ​អ្នក​ប្រាកដជាមាន​ឱកាស​ទៅ​ copy យក​វីដេអូ, ចំរៀងដែលពួក​គេបាន​ដោនឡូដហើយ ទាំងនោះ​មក​ទុក​កំសាន្ដ​ខ្លួន​ឯង​ផ្ទាល់។ អ្នក​ប្រាកដជា​រកឃើញ​ វីដេអូ ណាមួយដែល​គេ​បាន​ទាញយក​រួចមកហើយ ត្រូវចិត្តអ្នក​ជា​មិនខាន ត្បិត​យ៉ាងហោចណាស់​ក៏មាន​អ្នក​ណា​ម្នាក់​លើ​លោក​នេះ មាន​ចំណូលចិត្ត​ដូចអ្នក​ដែរ។ អញ្ចឹង​ ហើយ​អ្នក​ប្រាកដជារក​បាន​អ្វី​ដែល​ថ្មី ហើយ​ត្រូវចិត្តអ្នក​ជាមិនខាន។ ជាងនេះ​ទៅទៀត ដោយសារតែ​មនុស្សម្នា ដែល​មានចំណូលចិត្តខុស​គ្នាទាំងនោះ​ ចូល​ទៅ​កំសាន្ដ​តែ​លើ​កុំព្យូទ័រតែមួយ វាជាហេតុធ្វើអោយ​អ្នក​ដឹងថា​ តើ​ចំរៀង​មួយណាដែល​កំពុង​ទាញចំណាប់អារម្មណ៍ខ្លាំង។ អ្នកដែល​ចាប់អារម្មណ៍ដែរ​ទេថា​ ផលិតកម្មចំរៀងថ្មីៗមួយចំនួន​ពិតជា​មាន​ចំរៀង​ពិរោះៗខ្លាំងណាស់ ហើយ​ផលិតកម្មខ្លះ​មិនផ្សាយពាណិជ្ជកម្មលើទូរទស្សន៍ទាល់តែសោះ តែពួកគេអាចទទួលបាន​កេរ្តិ៍ឈ្មោះ? នេះក៏ដោយសារចំរៀងពិរោះៗ ត្រូវអ្នកស្ដាប់ណែនាំបន្ដៗគ្នា ហើយ​ពេលណាមួយនោះ​ការណែនាំនោះនឹងមក​ដល់អ្នក។​ អ្នកសាកស្ដាប់ចំរៀងដែល​គេដោនឡូដនោះ ហើយ​យល់​ថាវា​ល្អ ដូចនេះ អ្នក​ក៏ណែនាំចំរៀង​នេះ​តទៅទៀត ហើយ​ចូលទៅ​ទាញយក​ចំរៀងបន្ថែមទៀត ដែល​ជាឱកាស​ធ្វើអោយ​អ្នក​ដែល​មក​ហាង​អ៊ីនធើណេតក្រោយៗអ្នក បានស្ដាប់ដែរ។ ជាងនេះ​ទៅទៀត មាន​ចំរៀង​ខ្លះ បាន​បញ្ចេញមកតែលើអ៊ីនធើណេត​តែប៉ុណ្ណោះ ហើយ​ក៏គ្មាន​ឌីសលក់លើទីផ្សារដែរ ត្បិតអ្នកដឹងហើយ​ថា​ខ្លួនអ្នក​និង​មនុស្សជាច្រើន​ចូលចិត្ត​ដោនឡូន ហើយ​ ទីផ្សាថាសចំរៀង​នៅមិនទាន់ល្អ​នៅឡើយ ម្យ៉ាងចំរៀងខ្លះ ជាចំរៀងទោលឯករាជ្យ​គ្មាន​អាល់ប៊ុម ហើយ​អ្នក​ច្រៀង​មិន​ស្វែងរក​កំរៃ ដែល​ជាហេតុធ្វើអោយ​គេ​ទាំងនោះ​បញ្ចេញចំរៀង​គេ​មក​លើ​ទីផ្សារអ៊ីនធើណេត​វិញ។

ពិភពដ៏ធំ

អ្នកគិត​ថា អ្នក​ទាំងនោះ​ក៏ដោនឡូដ​ដែរ ចុះ​ហេតុអ្វី​អ្នក​ត្រូវទៅ​អង្គុយ​នៅ​កន្លែងអ៊ីនធើណេតធ្វើ​អ្វី​ បើអ្នក​អាច​ដោនឡូដ​នៅ​ផ្ទះ​បាន​ដែរ​នោះ? អញ្ចឹង​អ្នក​យក​ឧទាហរណ៍​មួយ​មក​គិត​លេងៗសិន។ តើ​អ្នក​ដឹង​ថា​កន្លែងណា​​ដែល​មាន​នំគ្រួក​ឆ្ងាញ់បំផុត​នៅភ្នំពេញទេ? អ្នក​ពិតជាពិបាកដឹង​ណាស់​ត្បឹត​វា​ហាក់ដូច​ជា​កំពុង​រក​កន្លែង​ដ៏តូច​មួយ​ ក្នុង​តំបន់​មួយ​ដ៏ធំសំបើម​អញ្ចឹង ហើយ​ម្យ៉ាង​គ្មា​ននរណាម្នាក់ណែនាំ​អ្នក​ទាល់តែសោះ ហើយ​កន្លែងលក់នំគ្រួកក៏​មិនដែល​ទៅ​ផ្សាយ​ ពាណិជ្ជកម្មតាមទូរទស្សន៍​ដែរ។​ វា​ក៏ដូចជាករណីពិភព​អ៊ីនធើណេត​ដែរ។ ជួនកាល​ ហ្គេម​ដែល​យើងចូលចិត្ត ជាហ្គេម​ដែល​ផលិត​ឡើងដំបូង​​ដោយ​ក្រុមហ៊ុន​តូចមួយ ដែល​គ្មាន​សមត្ថភាព​នឹង​ផ្សាយពាណិជ្ជកម្ម​បាន​ឡើយ​ (ឧ Angry Birds)។ បើអ្នកជា​អ្នក​​ស្គាល់អ៊ីនធើណេត​ម្នាក់ដែរ​នោះ អ្នក​ប្រាកដ​ជាដឹងថា​ពិភពអ៊ីនធើណេត​ពិតជា​ធំសំបើមណាស់ ហើយការស្វែងរក​ហ្គេម​ដែល​ត្រូវចិត្តអ្នកពិតជា​ពិបាក។ ដូច្នេះ បើមាន​នរណា​ម្នាក់មក​ណែនាំអ្នក​ រឺក៏ អោយហ្គេម​ទៅអ្នក​សាកលេង​តែ​ម្ដង វាពិតជារឿងគួរអោយ​ធ្វើ។ អ្នក​ដែល​មក​ណែនាំ​ប្រាកដជាចូលចិត្ត​ហ្គេម​នោះ​ហើយ បាន​ជាគេ​សុខចិត្ត​ណែនាំអ្នក​នោះ។​ យ៉ាងណា​ម៉ិញ​ បើអ្នក​ចូលចិត្ត​ហ្គេម​នោះ​ដែរ​អ្នក​នឹង​ណែនាំទៅគេបន្ដទៀត។ ការណែនាំ​មិនប្រាកដតែ​ជា​ការប្រាប់ដោយផ្ទាល់នោះទេ។ ក្នុងករណីហាងអ៊ីនធើណេតយើង ហ្គេម​ដែល​អ្នក​ដទៃដោនឡូដយក​មក​លេង ក៏គួរតែត្រូវ​អ្នក​សាក​ល្បងលេងផង​ដែរ! ហ្គេមតួយ៉ាង​​ដូច​Angry Birdsដែល​ដំបូង​អោយ​ដោនឡូដដោយ​មិនគិតថ្លៃនោះ បើគ្មាន​អ្នក​ណែនាំ និង អ្នក​ចូលចិត្តច្រើនទេនោះ ហ្គេម​ចេញ​ពីក្រុមហ៊ុន​តូចមួយ​នេះ ក៏គ្មាន​ឈ្មោះដល់ពេលនេះដែរ។ អញ្ចឹង ការ​ទៅអង្គុយនៅហាងអ៊ីនធើណេត​សាធារណៈ ធ្វើអោយអ្នក​អាចនឹងស្វែងរក​ហ្គេម​អ្នកចូលចិត្ត​បាន ក៏ដូចជា​ទៅរក​ហាងនំគ្រួកឆ្ងាញ់​តែ​តូចមួយ​ក្នុង​ក្រុង​បានដែរ។

ដូច្នេះ អ្នក​ដឹង​ហើយ​ថា​ ការចំណាយ​ពេល​វេលា​យូរៗម្ដង ទៅ​ហាង​អ៊ិនធើណេតសាធារណៈ ផ្ដល់អោយ​អ្នក​នូវ របស់​កំសាន្ដ​ ពេញនិយម និង ថ្មីៗជា​ច្រើ​ន​ដែល​អ្នក​អាច​នឹង​មិន​អាច​រក​ឃើញ​ខ្លួន​ឯង​បាន។​ អ្នកអាចនឹងស្វែងរកមិត្តភក្ដិពិតប្រាកដជាច្រើន ហើយក៏ជួបមនុស្សពិតៗ នៅហាងអ៊ីនធើណេត គ្រាន់បើជាង​លេង​នៅ​ផ្ទះ​ម្នាក់​ឯង ហើយស្គាល់គ្នា​តាម​តែ Facebook។ (just saying)

កញ្ចប់ភាសាខ្មែរ សំរាប់​ Windows 7

សំរាប់អ្នក​ដែល​ធ្លាប់មានបញ្ហា​ភាសា នៅពេលដែល​ប្រើប្រាស់កុំព្យូទ័រ ប្រាកដជា​ធូរក្នុងចិត្ត​ក្រោយពេល​ដែល​បាន​ដំឡើងបន្ថែម កញ្ចប់ភាសាខ្មែរ សំរាប់Windows 7។
ចាប់ពី​ កាលបរិច្ឆេទ ជាភាសាខ្មែរ រហូតដល់ ថតControl Panel សុទ្ធតែជា​ភាសាខ្មែរ, វាពិត​ជាអស្ចារ្យ​ដែល​ Windows ខ្លួនឯងផ្ទាល់បាន​បញ្ចេញផ្សាយ​នូវ​កញ្ចប់Interface ជាភាសាខ្មែរ។

សំរាប់ពត៌មានលំអិត និង ទាញយក ​ក្នុងគេហទំព័រWindows សូមចុចទីនេះ

ចំណាំ៖ អ្នកត្រូវមាន Windows 7 (32-bit) ដែលមានភាសាដើមអង់គ្លេស។ កញ្ចប់ភាសាខ្មែរ​នេះ មិនផ្លាស់ប្តូរភាសាកុំព្យូទ័រអ្នក​ទាំង​ស្រុង​ទេ។ វាគ្រាន់តែផ្លាស់ប្ដូរភាសាInterface ភាគច្រើនប៉ុណ្ណោះ។ អ្នកអាចដំឡើងរឺលុបវាចេញតាមដែលអ្នក​ត្រូវការ។

del.icio.us Tags: Windows 7 Khmer,Khmer Language Pack,Khmer Windows,Khmer LIP,Khmer Interface,SaidbyVann